O Decreto 196/2012, do 27 de setembro, polo que se crea a Axencia de Turismo de Galicia e se aproban os seus estatutos (DOG nº 193, do 9 de outubro), establece na disposición adicional primeira, ordinal segundo, que a Axencia iniciará o exercicio das funcións que ten encomendadas dentro do prazo de dous meses desde a súa constitución. Así mesmo, dispón que por resolución da Dirección da Axencia, conforme o indicado polo Consello Reitor, se publicará a data da súa posta en funcionamento.
Na súa virtude, e logo da indicación do Consello Reitor na súa sesión constitutiva celebrada o 18 de febreiro de 2013, e en virtude das atribucións que teño conferidas,
RESOLVO:
Publicar que a data da posta en funcionamento da Axencia Turismo de Galicia será o 1 de marzo de 2013.
Santiago de Compostela, 22 de febreiro de 2013
María Nava Castro Domínguez
Directora da Axencia Turismo de Galicia