廣告狂人特約內容賞（圖文）2017 提名名單
特約內容賞（圖文）
由媒體創製並具有該媒體風格的圖文創作或純文字創作
例：為分享客戶影片撰寫的文字
候選作品共23個，每人可投選最多6個作品。
C1 Bifesta X 十萬個激嬲女友的理由 — 卸妝舞video 比賽
以下廣告為十萬個激嬲女友的理由為Bifesta撰寫的文案：
我：「喂喂喂Bifesta 有個卸妝舞video 比賽呀！贏咗有半年卸妝組合！」
女友：「我驚我拍完紅咗Bifesta 會搵我拍廣告！」
我：「係呀，搵你代達哥個位！」
然後，而家變咗係我要參加 http://bit.ly/BifestaDanceGame
#佢要我著到達哥咁先肯原諒我
#大獎可以轉做右邊個女仔嗎
C2 Broadway百老滙 X King Jer — 識嘢就係KING
以下廣告為King Jer為Broadway百老滙撰寫的文案：
容祖兒，歌唱界 KOL，上年揸住枝「唱 K 神器」自拍，搞到風行全港賣斷市；
林奕匡，唱作界 KOL，自己作歌自己唱，旺到早過容祖兒結婚；
江華，皇帝界 KOL，嗰陣霸氣、英氣同傲氣，真係諗唔到有邊個扮皇帝比佢更似。
皇帝江華今次無懼刺客埋身，身穿龍袍出巡，南下來港：「幫朕 check 吓 “KOL” 所為何事！」，更與京城一名叫容祖兒嘅歌女，以及一名叫「阿瓊」嘅法蘭西洋人相遇。
江華眼尾一睄二人，要求合照，祖兒拒絕：「唔可以！」江華反擊：「你似乎對自己太有信心⋯⋯」現場氣氛一度凝重，阿瓊更拿出招牌武器「鍵盤」戒備⋯⋯
幾位對 KOL 寶座虎視眈眈，究竟邊位可以問鼎？
#百老滙 #Broadway #識貨 #識嘢唔講都知係KOL #識嘢就係KING #Broadway仲送你adidas同godiva產品
容祖兒 Joey Yung / 林奕匡 Phil Lam / Broadway百老滙 / AllRightsReserved
C3 Cathay Pacific X 藍橘子 — 提名你身邊的Christmas Makers，為對方送上雙人來回機票
以下廣告為藍橘子為 Cathay Pacific撰寫的文案：
香港人，最缺乏的不是錢。
最缺乏的也不是時間…
而是同理心。
書店有很多教人追求成功的書，卻沒有教人幫助別人的書。
很多人只懂追求自己的快樂，卻沒理會是哪些人令你快樂。
我最近每朝早６時就會起床，不是我要早睡早起，
而是也許我家的狗公主老了，竟有晨操這種癖好。
每朝準時６點就會跳上床，一副「快帶我散步！不然我就立即大便給你看！」的表情。
樓下，會遇到打掃街頭的清潔工人，他已經在工作途中，一定比我更早起床。
有一次，一位母親牽著小孩經過，小孩穿著可愛的幼稚園校服。
母親捂住小孩的口鼻，牽著他加快腳步。
但小孩拉開了母親的手，跟清潔工人說：「謝謝叔叔。」
「哈哈，不用客氣～」清潔工人說。
短短的幾秒，卻是我看過最動人的畫面。
其實社會上，有很多默默付出的人。
在大家看不到的地方，在大家仍在休息的日子，為我們默默付出。
為的，就是令所有人生活得更快樂。
聖誕節，大家都會看燈飾。卻很少人知道，燈飾從何來。
城市中快樂的來源，大家又知多少呢？
還有那些在假期都要上班的人，試著跟他們說句「謝謝」。
因為有他們的付出，我們才能更快樂。
＝＝做聖誕老人送機票＝＝
在12月18日之前，在 http://bit.ly/christmasmakers 留言，提名身邊的 #christmasmakers。國泰會揀選最動人的20位Christmas Makers故事，送上雙人來回機票一套，讓他們可以與摯愛共同分享聖誕喜悅，過一個快樂聖誕節！詳情請到 Cathay Pacific Airways
C4 Citibank X 麥明詩 Louisa Mak — 成就三代人生
以下廣告為麥明詩 Louisa Mak為Citibank撰寫的文案：
唔少人都覺得我順利讀書畢業、擁有一份唔錯嘅工作，我媽媽必感到安慰和放心。但係俗語係冇錯，長憂九十九，麥媽媽仍然常常為我操心；睇到雜誌封面會擔心我抵受不住輿論壓力、睇見我拍劇捱更抵夜會怕我病倒、睇見我失戀佢會比我更痛心。
除咗心血之外，培育一個小朋友真係好貴。先唔好講由細到大嘅衣食住行，淨係去外國讀書已經洗咗父母成百萬。雖然我依家未有生小朋友嘅打算，但係我知道他日有小朋友嘅時候，我希望盡我嘅能力畀到佢地最好嘅教育機會，因為教育係真真正正可以打開佢地嘅眼睛。第時要有咁嘅能力，今日要開始規劃；將壓力化為動力！
所以話，做人大壓力，做媽媽更大壓力。見到千嬅同佢媽媽嘅深情對話，我都好感動。相信大家睇完「Citigold與楊千嬅，成就三代人生」足本短片之後都會有一啲感覺同埋得著。
C5 DBS COMPASS VISA X KingJer — 2017年樂壇新人巡禮
以下廣告為KingJer為 DBS COMPASS VISA撰寫的文案：
【DBS COMPASS VISA 呈獻：2017年樂壇新人巡禮】
每年樂壇新人輩出，長江後浪推前浪，年年都有好多樂壇新丁挑戰一眾現役樂壇人瑞。
今年暫時有6位新人，首位出道嘅歌手就係有「被撒旦吻過的聲音」、「樂壇災難」、「被天使遺棄的聲音」、「音準終結者」、「Kill 歌之王」、「咪高峰絕緣體」之稱嘅魔音達 ( http://bit.ly/2q3nPck)，完美嘅音準簡直令一眾歌迷耳朵懷孕。
其他新人不齒魔音達如此劣拙嘅表現仍然獲聽眾掌聲，於是決定cover 同一首歌，挑戰樂壇災難魔音達新人王地位！佢地包括：
-「逐隻字rap 嘅說唱組合」攬屎棍PoopStirrer： http://bit.ly/2paPEkS
-「白白淨港大（前）測量師」Hinry Lau： http://bit.ly/2oPGh6t
-「有個幾靚仔」嘅四人樂隊Red House： http://bit.ly/2oSFlzb
-「唯一女新人」謝芊彤 & 謝芊蕾： http://bit.ly/2oDOWxO
-「文青版蘭茜」Siu Yuen 楊智遠： http://bit.ly/2pFFslF
聽完之後，sor…… 全部都唔係魔音達嗰皮…… 我宣布，2017年宇宙勁爆新人王得主：
金獎：眾望所歸，福有油雞：達哥
銀獎：Siu Yuen 楊智遠（老老豆豆，佢把聲真係幾好聽，首結他都唔錯）
銅獎：Red House（主要頒比嗰位靚仔成員）
#DBSCOMPASSVISA #花錢是一門藝術
#碌COMPASSVISA花得漂亮 #音準達真係名不虛傳
杜蕾斯叫我幫他們度幾句廣告詞。我唔係讀廣告出身，而係文學，於是急就章，Joe Lam, 「臨」作咗以下幾句。
係男人都知，最理想的安全套梗係好似女仔的面珠：「薄」同「滑」，不過，係男人都試過臨急要抱佛腳。
杜蕾斯維語錄
1，做一個成功的男人，不免「木秀於林，而風必催之」，時時遭到眼紅的攻擊，因此男人的面皮要厚。
但為了愛護世人，不要製造不必要的生命來到這個紛亂的世界，同時也暗中維護自己的感受，安全套要薄。
2，中國自古有成語：「厚積薄發」，令我常常狐疑有如中國人發現美洲，其實杜蕾斯㑹不會二千年前也是中國人發明的。
3，女人的高跟鞋，與男人的安全套，穿戴在腳上（男人還有一隻「李三腳」），鬆緊皆唯有自知。
4，無論中國港珠澳大橋的石屎，還是杜蕾斯的condom，都應該經過嚴格測試，證明絕對無甩漏嘅。
C7 Easy One Finance 易易壹財務 X 陶傑 Channel — Sherlock Holmes
以下為陶傑為Easy One Finance 易易壹財務撰寫的文案：
福爾摩斯的原名 Sherlock Holmes，由於小說由福建人林紓最先推介，閩南話沒有F這個音，所有的F，都唸成H，所以福爾摩斯，是閩南話的音譯，而華生（Watson），閩南音的那個「哇」，也剛剛好。
福爾摩斯，是一名業餘的私人偵探，他查一宗命案，不是出於「顯彰社會公義」，不是為了死者身世可憐，為他洗雪沉冤；也不為「儆惡懲奸」改善治安，為社會促進太平。他查案，純粹出於私人的快感：他喜歡理性邏輯的挑戰。
他看見兇手布局精密，誤導警方，他將兇手視為一個高手，他要用智力擊敗此一看不見的對手，才擁有成就感。福爾摩斯是一個純粹理性的機器，所以其懸疑故事，是科學的，不是情緒的；是理性的，不帶感情。
現代版「福爾摩斯」走紅，因為劇中的英國男主角Benedict Cumberbatch，清秀飄逸，有一股很詭異的中性氣質，跟演華生的「哈比人」原主角馬田費曼，在銀幕上一對，令中國的年輕女觀眾尖叫萬分。
至於香港版福爾摩斯，找來姜皓文飾演，而不是大陸的姜文，以一股香港味，上承維多利亞時代的英國神探，似乎英氣不減。
#福爾摩斯
#SherlockHolmes
#BenedictCumberbatch
#221神探
#易易壹財務
#無嘢係解決唔到
C8 Elizabeth Arden X 王迪詩 — 公主是否一定會幸福呢？
以下廣告由王迪詩一手包辦圖片及文案：
公主是否一定會幸福呢？有一陣子，我非常沉迷維多利亞女王五個孫女的故事，這五位公主命運迥異──一個被謀殺、兩個流亡、一個鬱鬱而終、一個心滿意足。
我很喜歡的歷史學家Julia Gelardi寫過一本《Born to Rule》，將這五位表姊妹的一生娓娓道來。維多利亞女王的九個子女生了一堆孫兒，其中五個孫女──慕德公主、蘇菲公主、亞歷山德拉公主、瑪莉公主和歐吉妮公主，在命運的牽引下改寫了歐洲歷史。五位公主中，亞歷山德拉是最美麗的一個，也是下場最悲慘的一個。她傾國傾城的美貌讓俄國王子一見傾心，二人經歷了重重困難才能終成眷屬，沒想到這亦是悲劇的開始。這位俄國皇后生了頭一胎，是女。再生，又是女。再生，也是女！總共生了四個女，然後終於等到一個兒子，卻偏偏是血友病患者，相信是亞歷山德拉從祖母維多利亞女皇身上，得到血友病遺傳基因而傳給兒子的。最後，血友病還未帶走這位小王子，他就連同四個姐姐和父母，於1918年被革命者槍殺。俄國末代沙皇一家，就死在一個濕冷的地牢。
亞歷山德拉終生被俄國人民憎恨，最終死在俄國人槍下。然而，她的生命裏有一樣天下公主和女人夢寐以求的東西 — — 愛情。丈夫對她寵愛有加，至死不渝。那個時代，公主的婚姻都是政治工具，幾乎等同盲婚啞嫁。
亞歷山德拉一家的死訊震撼歐洲，為她在任女皇的表姊妹們帶來了不祥預感。瑪莉公主嫁到羅馬尼亞，成了一位美貌與智慧並重的女皇，她知道歐洲反君主制的力量已勢不可擋，但仍盡最大努力在戰亂中改善羅馬尼亞百姓的生活，可惜呢，她那不肖子把國家弄得一塌糊塗！瑪莉最後鬱鬱而終。
歐吉妮公主當上西班牙女皇，她的衣著打扮時尚，也曾努力地去愛西班牙子民。直至共和黨在選舉中大勝，為了避免共和黨和其他陣營爆發內戰，國王自願流亡海外。歐吉妮女皇人生最後的38年，都在流亡中度過。
嫁到異鄉的悲哀，維多利亞女皇的孫女兒們感受至深。除了被俄國人憎恨至死的亞歷山德拉，嫁到希臘的蘇菲公主也不見得有好日子過。她成了希臘女皇，並以堅毅的意志由零開始學習希臘語，她是那麼努力，希望終有一天能感動希臘百姓。但對蘇菲女皇，希臘人只有恨。有天山上起了大火，眼巴巴看著烈火中千百棵由她苦心栽種的樹木，好為炎熱的希臘帶來遮蔭，蘇菲禁不住哭了。希臘人放火燒樹，因為蘇菲的哥哥是德國國王，希臘人懷疑蘇菲種樹別有用心，在樹林藏著間諜的勾當。不管她如何努力，永遠都不會被人民所愛。
慕德公主變了剩女，27歲仍未嫁得出，後來表哥挪威王子求婚，慕德一口答應，她是真心喜歡這位表哥的，但最重要的是這表哥成為國王的機會近乎零，那她便可以平平靜靜的過日子了。誰都不會料到挪威解除了跟瑞典的百年結盟，然後投票，人民要求把皇冠戴在慕德夫婦頭上，就這樣，慕德糊裏糊塗當上女皇。你發夢都想得到的上天偏不給你，你從不渴求的卻不費吹灰之力就放在你手。
慕德女皇一索得男，沒有血友病。她的丈夫和人民愛她疼她，終身不渝。慕德公主性格和樣貌平凡，沒有亞歷山德拉的驚艷，沒有歐吉妮的時尚，也沒有瑪莉的政治智慧，是維多利亞女皇的孫女中最不起眼的一個。但到了最後，五位公主裏只有她一人能夠善終。幸福，因為她不計算。
希望各位讀者喜愛這段分享。我享受閱讀歷史，更喜歡將感受寫成文章，假如公主可以穿越到現代，我一定會問她們喜歡看什麼書，我每天看書到很晚，那是一天裏最美的獨處時光，但這也令我的黑眼圈挺嚴重啊，最近用了 Elizabeth Arden 的 Advanced Ceramide Eye Capsules，黑眼圈果然改善了，它含有的Ceramide可以促進膠原蛋白增生，抗衰老和提升眼部輪廓，連黑眼圈、眼紋和魚尾紋都一併改善。我特別喜歡它把精華素作獨立包裝，新鮮好多，帶去旅行超方便呢！
Click入以下連結可領取體驗裝❤
https://goo.gl/6VpBcL
#書評 #歷史故事 #VisionOfGold #BeautifulTwist#AdvancedCeramideEyeCapsules
C9 HK Express X Ubisoft X 花生日報 — 限時7小時CLS價$7機票
以下廣告由花生日報一手包辦圖片及文案：
CLS！7蚊呀！7蚊呀！7蚊呀！（好抵所以要講3次）
家下香港7蚊真係做唔到D乜，但係竟然一張機票賣7蚊！
HK Express 推出限時7小時CLS價$7機票！
由3月13日至12月14日，11個航點單程只需$7！
來回連稅計：石垣島$269、芽莊$393、台中/花蓮$399、峴港$411、濟州$434、清萊$460、暹粒$469、首爾$471、關島$472、仰光$486！
有匯豐信用卡既話可以用優惠代碼再8折兼送20kg行李，咩話＄7蚊再8折我唔識計了。
訂票日期：2017年3月10日之中7小時 (實際開賣時間有待公佈，只限7小時)，一有消息我地會再update大家！記得tag定好友搶飛喇！
花生推介：
又係時候組隊打機啦各位戰士！今次我哋目的地係玻利維亞，對手係一班火力精良嘅販毒集團。不過唔緊要，你同你嘅戰友都會有唔同嘅槍械同工具，仲唔快啲約埋班朋友，今日就一齊打#GhostRecon Wildlands《#火線獵殺：野境》啦。
C10 HKU SPACE X 陶傑 Channel — CreateYourSPACE
以下為陶傑 Channel為HKU SPACE撰寫的文案：
英國科學家霍金警告，50年內，AI 人工智能全球流行，屆時全人類都面臨失業。
今天進大學，選讀什麼學科，越來越不重要。即使金融管理、工商經濟之類，也因為網絡支付寶流行，在中國大陸，銀行金融行業已經開始大規模裁員。
西方社會學家驚呼：網絡改變了世界，IT改變了人性，全球化改變了人類三千年的社會行為。人類進入了吉凶未卜、前所未知的神秘海域，即所謂 Unchartered waters。
身為香港人，如果還在三四十歲，處於世界新舊交替的關頭，只能夠「以自變應萬變」。
何謂「自變」？就是力求改變處境、改變自己、改變命運。
例如，根據英國一行統計，懂得一種新的外國語言，會令你的謀生能力和機會增加三成。學習哪一種語言，不是太重要 — — 英文已經是全球化的世界語，那麼在英語之外，學會意大利文，或波蘭語，或拉丁美洲通行的西班牙文，至少就開拓一個你從無經驗的新天地。
語言、知識、技能，學什麼任由選擇。終身學習，即終身求變。只要肯變，就是開拓人生的空間（Space of Life ）。當地球污染，人口爆炸為患，美國也要重新探險太空，尋求移民火星的夢想。
空間不一定指劏房，命運的空間，不由任何霸權壟斷，除了自己。拒絕他人擺佈，只有選擇開拓自己的Space。
#HKUSPACE60 #CreateYourSPACE #活學空間 #LifelongLearning #高永文 #林超英 #吳安儀 #羅曉鋒
C11 Huawei Mobile X 辦公室日報x聶瞳 — 及時放工
以下為辦公室日報x聶瞳為Huawei Mobile撰寫的文案：
初初畢業投身社會嗰陣，老細同我講：「你做嘢有效率，夠爽手，咁就得架喇，做完嘢咪走囉，冇人會阻你收工。」
佢呢句說話令我對職場充滿憧憬，原來做好本份，自己快手快腳就可以準時收工，做大人真係好，可以主宰一切。
過咗一段日子之後，我已經知道自己中咗天仙局，又唔可以話個老細呃我嘅，只不過想準時收工，淨係自己有效率係唔夠架，你仲要照顧一啲豬隊友，簡單啲嚟講就係執手尾。
其實我可以原諒豬隊友，因為佢哋係真心豬，冇人想嘅，但我最憎扮豬食老虎嘅人，扮到咩都唔識做，將個波推晒畀你，現今職場大有人在。
當然啦，公司仲有個終極大佬，就係你老細，佢除咗有齊所有「腦細」嘅特徵之外，仲有一個特殊嘅癖好，就係臨收工先嚟嗌開會。
有次約咗人，老細又例牌喺5:50叫晒全部人入房開會傾嘢，當時好多嘢做緊，所以我話唔得，做人有時要識得Say No。
老細：「點解？你未做晒啲嘢咩？」
我心諗，如果我做得晒啲嘢，你公司執咗啦。
「係呀老細，我要盡快完成手頭上嘅工作，今日有啲緊要事趕住走。」
老細：「有咩緊要事？關於工作？今晚要湊客？」
對唔住，工作對於我嚟講，只係搵食工具，我所謂嘅緊要事，係指同朋友、家人，或者另一半食餐安樂飯，無憂無慮去下街，呢啲就係我人生嘅大Project，尤其係12月又有聖誕又有除夕，普天同慶邊個有mood同你放工先嚟開會，我冇請假都畀足面你啦！
我返工係為生活，唔想因為返工而冇咗生活，其實我同 Huawei Mobilemate10系列一樣，不只辦工。
算啦，如果老細有足夠智慧理解我嘅「返工●生活」哲學，佢就唔係「腦細」啦！
#及時放工
#及時說愛
#WhyWait
#HUAWEI
#HUAWEIMate10Series
C12 JCB Hong Kong X 盤菜瑩子 — JCB信用卡去日本
以下廣告由盤菜瑩子一手包辦圖片及文案：
唔係掛？諗住塞自己入人地個行李箱入面去旅行黎慳錢？傻的嗎？
想慳其實唔洗咁辛苦嘅，帶埋你張JCB信用卡去日本就得啦！
只要帶埋你嘅JCB信用卡去日本，以後去日本買野唔只平咗退稅果部份，連去ビックカメラ（BIC CAMERA）等指定家電百貨同埋マツモトキヨシ（松本清）、サンドラッグ（SUNDRUG）等藥妝店，以JCB信用卡購物至指定金額，即可減價最多5%！
除咗買嘢有折，仲有呢個優惠岩晒所有去日本嘅人，買唔買野都需要！就係只要用JCB信用卡於指定機場購買前往市區嘅機場巴士車票即享8折優惠！機場巴士咁貴，有個8折慳返比我食多餐定食呀！
成日去日本嘅你仲未有JCB信用卡？
申請辦法: http://www.hk.jcb/zh/products/cards/
以上優惠須受條款及細則約束，詳細請瀏覽JCB官網: www.hk.jcb
C13 Lenovo X Loui5Ng 伍公子 — Gear猝死之謎
以下廣告由Loui5Ng 伍公子一手包辦圖片及文案：
《Gear猝死之謎》
警方今日聯絡我，話我同事被謀殺，而且陳屍公司，要請我返去協助調查。
以下分享一下前因後果，希望各位網絡神探幫忙分析。
話說，我同事Gear不嬲人緣唔多好，所以聽到佢嘅死訊，我都冇太多情緖，只係冇諗過佢會被人監生打死。
我最後一次見到佢係前晚，當時佢仲生勾勾，企喺隔離睇我打機。
因為Lenovo俾咗部手提電腦我地，要我做宣傳，於是我就打算用嚟試玩生化柒，開機之後，我發現可以支援VR，阿Gear就好興奮，走過嚟話要睇，當時應該係夜晚7:00，公司冇其他人。
之後我就戴住耳機同VR眼罩，同外界隔絕咗，我仲記得嗰部機有1070顯卡，啲畫面都幾逼真，所以我玩得好投入，又出拳又起腳，好似我真係打緊怪咁，好有打擊感，嗰一刻完全忘記咗Gear嘅存在。
去到夜晚9:00左右，我除低眼罩，Gear已經瞓咗喺地下，當時我以為佢眼瞓想恰下，就冇理到佢，直接返屋企。
我回想返，係7點至9點呢段時間， 我唔知Gear到底做緊乜，亦唔肯定Gear係咪一直喺我隔離。
所以我懷疑，兇手就係趁我用緊VR，潛入公司，然後徒手打死Gear。
麻煩各位提供線索以及幫忙推理。
P.S. 最後，我想喺度完成埋個廣告，因為個廣告係Gear生前最後一單Job，所以我更加希望大家可以幫手Like同留言，讚下部手提電腦，以慰Gear在天之靈：
IdeaPad Y910配備 Intel ®第6代CoreTMi7–6820HK 超頻處理器、PCIe SSD RAID 0、 NVIDIA® GeForce® GTX 1070 8G 獨立顯示卡，能夠支援NVIDIA® VR-Ready 虛擬實景裝置，以及 17.3ｙ 吋 FHD IPS 顯示器，令每個場景更清晰暢順、栩栩如生。
佢仲裝有一鍵超頻按鍵，可以瞬間增強7%效能。
另外，仲有42db 超靜音急速雙冷酷風扇丶專業機械式多彩電競鍵盤丶2.5mm按鍵行程及防鬼鍵丶職業電競Killer網卡丶NVIDIA G-Sync技術丶專業JBL® 雙立體喇叭丶3W 重低音喇叭同埋Dolby環繞音效。
現凡購買Lenovo Y系列指定型號產品，可享高達HK$1,000折扣優惠，仲有機會贏取免費至激至Chill東京VR之旅，親身體驗極致VR生化危機世界！
C14 McCafé X Nothing Serious —朱古力咖啡
以下廣告由Nothing Serious一手包辦圖片及文案：
幸福係你可以同你鍾意嘅人，
一齊食你哋鐘意嘅嘢。
今個冬天，約你鐘意嘅人，
一齊去McCafé飲杯暖暖嘅朱古力咖啡。
#mccafehk #雪人薄荷朱古力咖啡x Lindt #凍薄荷朱古力咖啡x Lindt #薑餅人咖啡 #朱古力蛋糕層層疊 #軟心朱古力撻 #MerryWinterland
《專屬GPS男友》
我同女朋友係因為蕩失路而認識…
當年，我喺地鐵站等緊朋友，佢向我問路。
結果唔夠五分鐘，佢又行返黎搵我，佢話行遠左就搵唔到我教佢行嗰條路。
「都唔知係咪特登想溝我。」我。
「痴線！我真係唔識路先問你咋！」女朋友。
相識左幾個月，我就知道佢唔係特登…
因為佢真係一個末期路痴， 我真係好想裝個GPS落佢個身度。
聽講女人搵唔到路既基因源自於遠古時代，因為雄性原始需要每日出外打獵，喺無GoogleMap情況下，只能憑周圍的大樹石頭作地標記住獵物出沒的位置。
而女的則負責留在山洞裡煮食、縫製、湊仔…所以世世代代女生認路技能遲遲未進化。
就算而家手機既地圖軟件非常方便，但對女朋友黎講一樣無用。 因為佢根本唔識睇地圖！佢唔知道自己身處喺咩位置…
事實上，只要是她沒去超過十次的地方，是100%會迷路的。
「藍橙仔！你遲到！」約會遲到係男人死罪，我到而家都未死，因為我好準時～
「我邊有遲到啊？我一早到咗…」
「但係我未見到你既？」
「妳睇吓自己喺邊，Ａ出口間七仔喎。」 嘈咗大半個鐘先發現，原來佢一直去錯咗另一間七仔。而更慘嘅係…
明明係佢唔識路，但佢當左我遲到…
除此以外，女朋友還有一個特點，就是對「上、落」「左、右」概念非常含糊。
譬如說身處太子，普遍都會講「落旺角」，佢會講「上旺角」。雖然係「上」定「落」係好主觀，但唔知點解，佢又會講「落尖沙咀」…
左手同右手常常搞錯，我問佢用邊隻手食飯，嗰隻就係右手。因為右字有『口』，但佢依然笑瞇瞇咁舉起左手…
「食飯啊！呢隻手啊！」我捉住佢隻右手。
「但如果右手拎刀，左手拎叉，咁食野咪用左手囉。」
我又真係反駁唔到佢… 日子耐咗，我變成女朋友嘅人肉GPS。
唔單止功能齊全，指示清晰，女朋友一定聽得明。
除左引路仲有其他功能，平時行街佢見到想食嘅餐廳，我會幫佢Bookmark，下次佢一講我就帶佢去。 最近，港鐵更新咗個app，唔單止有「站內搜尋」，一眼睇清站內所有商店位置新增，仲有「分享位置」功能，咁就一定唔會再「遲到」啦（我指我遲到）～～～
九月呢段期間，仲有「搵基哥．贏獎品」遊戲，係金鐘站搜尋基哥圖像，即有機會贏取豐富獎品。
C16 OUHK 香港公開大學 X 謝曬皮 — Part-time課程
以下廣告由謝曬皮一手包辦圖片及文案：
出黎社會做野先知道自己原來好多不足之處，
唔夠quali 又唔夠人勁….除左砍掉重練，仲可以點？
只要你有心進修，又願意玩少陣電話，隨時隨地都可以！
黎緊OU info day 不妨去睇下有咩part-time 課程o岩讀，有IT/語言/護理/商管，埋鏡拼拼 :
男人分兩種：第一種眼睛指導腦袋，第二種下體指導腦袋。正因如此，任何歲數嘅男人都鐘意十八歲嘅女人，但有返咁上下智慧嘅男人會明白中女係幾咁正。三十歲後的女人懂得留白，看穿不一定要說穿，吃虧不一定要追究，有錢不需要全身logo，留白是一種優雅，十幾廿歲的𡃁妹點會明？
我幾經辛苦才捱過二十幾歲的「氣質真空期」，那個迷失、空虛、還不清楚自己想要什麼的年代。如果有阿拉丁神燈話要將我變回二十歲，我同佢死過！三十歲後開心好多，而我可以肯定四十、五十歲我會活得更精彩。 #INeverExpire 。
現在三十歲仍單身的女性受盡歧視，但這所謂「歧視」大部分係自己歧視自己，就像片中女子手腕上自己幻想出來的保存期限，一個無形的烙印提醒住你幾時要結婚、生仔。呢條片好inspiring，值得分享。從 SK-II HK 的研究得知，有半數三十歲以下單身港女認為父母、家人、朋友的問候等是形成壓力的主因。但就算人哋真係俾說話你聽，其實你可以唔理人點睇。老老實實，又唔係靠人養，做乜要睇人面色？別人有什麼資格去左右你的人生？
#我不設限
#ChangeDestiny
#SKIIHK
#SKII
C18 Sony X KingJer — Sony 特約：Ben Sir X 蕭叔叔研究院
【Sony 特約：Ben Sir X 蕭叔叔研究院】
Ben Sir X 蕭叔叔？兩個加埋 85 歲先嚟玩「人瑞版 Shine」？
有人話：「咁肥仲唱咩歌呀！ 」所以喺香港地做歌手睇樣就得㗎喇！唱歌呢啲，嗌阿監製幫你地執執佢！不過估唔到阿 Ben 都係樂壇魔音，好 noisy，好多 noise 呀，啲監製點執呀 …..
但係樣方面嘅雜訊，就有計喇！要望真啲阿 Ben 個靚仔樣，唔洗靠監製，靠電視就得。Sony 全新 BRAVIA X9300E 電視，配備咗 X1 光影處理器，消除畫面雜訊，仲可以晰毛辨髮，提升畫面細節。唔，睇到阿 Ben 頭髮尚算濃密，佢腎功能都幾好！
至於蕭叔叔，無晒雜訊可以睇真啲你，真係好靚仔好型棍，不過每次我望真你…… 你邊度肥呀… 成日話自己肥，有肥仔波，扮晒嘢，扮晒有豐乳！How do we say “蕭塞豐乳中” in English？
經過驗證，Ben Sir X 蕭叔叔兩個都係偶像派，點解呢部 Sony 電視咁勁？其實仲有好多功能，快啲睇睇 http://bit.ly/2wigX0B
#你兩個可以出道樂壇喇 #隊名大家幫手諗諗
#Sony #BRAVIA #X9300E #X1光影處理器
蕭叔叔英式英文學會 Uncle Siu’s British English Club
C19 Tao Heung 稻香 X 我的港女老婆、東尼電機、DDED — 打邊爐漫畫接龍
以下廣告由我的港女老婆、東尼電機、DDED一手包辦圖片及文案：
我的港女老婆
怪叔叔超鍾意打邊爐，更鍾意隊住啤嚟烚吓烚吓，今次滿足晒佢兩個要求，帶佢去稻香歎住 #Asahi食新出嘅日式鍋同四川鍋，但佢似乎更鍾情另一樣嘢啵…😤😤😤
#日式杏汁鰹魚鍋 #四川酸菜豬骨鍋#AsahiSuperDry Asahi Hong Kong 稻香集團
記得睇埋隔離枱同樣打緊邊爐嘅 東尼電機 DDED哋又發生乜嘢事~
傳送門：
東尼電機 → http://bit.ly/2nIASD9
DDED — >http://bit.ly/2AF7IY
東尼電機
最近冇咩靈感，就約咗啲辣妹去稻香食宵夜火鍋放題，試咗新出四川鍋，再配埋冰凍Asahi真係perfect池！醉醉地好似見到咳神同Caca橕枱腳, 後面仲有個方頭仔好似攪緊Party…
#日式杏汁鰹魚鍋 #四川酸菜豬骨鍋 #稻香集團#AsahiSuperDry #姼就是任性 Asahi Hong Kong稻香集團
我的港女老婆怪叔叔當晚玩命情況：http://bit.ly/2kC2NDD
方頭仔 DDED派對現場：http://bit.ly/2AF7IYl
DDED
東尼（圖左）同成班辣妹食熱辣辣嘅四川鍋大排筵席 : http://bit.ly/2nIASD9
怪叔叔（圖右）同Caca一人一鍋唔使爭食 : http://bit.ly/2kC2NDD
毒毒D（圖中）想約女粉絲去稻香飲#Asahi同試新嘅四川鍋同日式鍋，結果又得自己出席….
#日式杏汁鰹魚鍋 #四川酸菜豬骨鍋 #AsahiSuperDry
稻香集團 Asahi Hong Kong 我的港女老婆 東尼電機
C20 Tissot X 辦公室日報x聶瞳 — 下星期一上嚟Interview
阿客:「喂，聶瞳，幫我約個求職者下星期一上嚟Interview吖。」
下星期一？25號喎。
阿客:「冇錯。」
我唔係問你有冇錯呀，我係問你有冇搞錯呀？下星期一25號係聖誕節，紅日嚟架，你公司開咩？
阿客:「Oh Sorry Sorry，係喎，我聖誕節放假嘅意識好薄弱，咁改26號啦！」
………
不如你放鬆啲先啦，我一定會記住每個節日，事關大家平時工作咁忙，見同事仲多過見屋企人同埋親朋密友，所以大時大節我會特別珍惜，把握時間同呢班對我咁重要嘅人相處。
阿客:「咁即係點呀？你記得問佢26號得唔得喎。」
25號聖誕節係紅日，26號Boxing Day都係紅日，咁多日假期，好好地抖下啦，順便買份禮物送畀你所愛嘅人，向佢送上祝福，表達你嘅謝意，長命工夫長命做，喺呢個普天同慶嘅日子，要好好享受同至愛嘅每分每秒！
#TissotHK
#TissotCheminDesTourellesHelveticPride
#天梭表瑞士法郎特別版
#SwissMade
#MyLuckyCoinWatch
#ItsTimeForXmas
#ChristmasIsAutomatic
#手握幸運女神
C21 Whisper X Ming仔 — Whisper液體M巾
以下廣告由Ming仔一手包辦圖片及文案：
我認為旅行買旅遊保險✈故之然重要
但同女朋友出遊
就一定要半價買液體M巾護舒「保」先算醒目:http://bit.ly/2jzIDdm
我曾經分享過我既旅行守則：
「旅途間，我絕不容許任何事影響心情。」
所以就算班機delay、唔見電話、行李…
我都輕易handle到👌
唯獨是有一樣嘢你點都控制唔到
就係你既同行旅伴姨·媽·到·⛑
唔好以為唔關你事🤷🏻
基本上，試過拍拖旅行既人都知
女友M到，同你自己M到並無具體分別
你地既情緒將會被逼掛勾🧟🧟
佢受幾多你可能受返雙倍添🤕
拿拿臨買定 #Whisper液體M巾
女友 #越無Feel越好Feel
分分鐘肯定救返你成個旅程呀💪
C22 Uncle Print 網上快速印刷平台 X 有心無默 — 命運，當然要由自己選擇
以下為有心無默為Uncle Print 網上快速印刷平台撰寫的文案：
【命運，當然要由自己選擇】
話說尋晚放工之後，我一如以往咁帶住疲憊嘅身軀返屋企。點知行到中途竟然見到一間裝潢詭異嘅「茶餐廳」，喺好奇心嘅驅使下（加上肚餓），我決定行入去一試究竟……結果就俾我遇到嗰個改變自己一生嘅人。
「你係……第二個世界嘅人？」
「睇你個反應，你應該係第一次嚟呢間茶餐廳。」
佢叫做阿七，佢話俾我聽呢間茶餐廳係可以連接多個世界。但唔係話見就見到，喺裡面相遇嘅人一定係有原因……
「咁你個世界到底係點？」我一路食住碗隱世邪惡流心拉絲芝士紫薯味米線，一路問。
「唉，」阿七聽完嘆氣一聲，「只可以講，係一個充滿『悲劇』嘅世界……」
原來，阿七個世界係由一間叫做《命運印刷公司》嘅公司所主宰。一聽到呢個名，我不禁諗起幾年前一套叫做《命運規劃局》嘅戲。
「每個人出世嘅時候，都已經有張『時間表』決定好佢哋五十年嘅人生──讀邊間學校、將來係咩職業、入邊間公司，甚至識到咩人都係喺嗰班人嘅控制之內。」
「識到咩人，咁包唔包括……」
「情人、將來嘅老公老婆、恩人仇人……全部都係。」阿七喺佢銀包裡面拎咗張相俾我睇，「呢個就係我將來嘅老婆。根據張『時間表』，一星期之後我同佢會喺一間酒吧裡面認識。」
「睇落，」我拎上手望咗眼，「都唔係好差啫？」
「問題係我哋五年之後就會離婚。佢仲要係因為識到第二個男人，而背對住我……」
見佢咁可憐我先唔敢講出口──既然已經知道呢個「事實」，咁對方仲算唔算係「背對住自己」？
「佢已經知道我唔會係佢最愛，所以可以肯定我哋呢五年都會過得好悲哀，唔會有任何火花……」
「都唔一定嘅，或者你哋會好恩愛，好好享受呢五年……」
「如果係咁，點解我會三年後患上抑鬱，企圖自殺但唔成功？」阿七反問。
「既然你哋明知自己嘅命運會咁淒慘，點解唔嘗試去反抗下？」
「反抗。」阿七冷笑一聲，「有唔少人都試過喇，但俾人捉住之後，《命運印刷公司》就將佢哋嘅人生改寫到更加慘絕人寰。事實上好多人心裡面都不滿㗎，只係佢哋知道……唔反抗嘅話，至少五十歲之後仲可以過返自由嘅人生。」
講到呢度，佢終於食完佢碟黯然銷魂飯，企起身準備埋單離開。
「時間都差唔多，我要返去喇……好高興認識到你，等我可以訴下苦……儘管今次見面其實都係張『時間表』所安排好。」
我就係咁睇住佢失落嘅背影，臨開門離開之際，終於忍唔住企起身開口問佢：
「喂，阿七……雖然你講到好無奈，但我相信今次見面一定係有佢嘅意義。」
「有，但意義喺你嗰邊。」阿七強擠出一個微笑，「至少……你哋仲有得『選擇』。」
今次見面之後，我就再冇見過阿七，亦都再搵唔返呢間茶餐廳。
但我知道呢段經歷並唔係假。因為，佢令我呢位曾經喺堅持同埋妥協呢個關口迷茫嘅人，清楚知道自己仲有得「揀」──追求屬於自己嘅幸福。
（完）
【睇埋呢度！】下面段片係由一間本地印刷公司 Uncle Print 網上快速印刷平台 拍攝，唔係講笑真係幾高質。堅持自己嘅道路、追求自己嘅幸福，先可以過上無悔嘅人生。如果有嘢要印不妨入去支持下啦：https://goo.gl/GfzRHT
✨ 新會員送 100 蚊現金券。
p.s. 你哋見篇文同段片完全唔關事，就知個客畀咗幾大自由度我啦～幫手畀個 like 同分享下啦！
#勿忘印刷初衷 #印刷費平都講質素
C23 Ztore 士多 X 我做Marketing — 換agency的勇氣
以下廣告由我做Marketing一手包辦圖片及文案：
《換agency的勇氣》
我叫Janice，喺呢間公司做咗三年AM。
臨近年尾，公司又要做RFP，決定嚟緊兩年用邊間agency。我等咗呢個機會好耐，因為我哋用緊呢間agency，成日都交行貨，冇新意之餘又收得勁貴。身為AM，我算係對佢哋嘅最前線，所以我好清楚。雖然係咁，我知道我老細今年一定會揀返佢。原因好簡單，因為佢哋係國際大公司，而且佢老細同我老細好熟。呢兩個原因好無謂？係，但現實往往就係咁。
上星期，我哋約咗兩間agency上嚟我哋office做presentation，佢哋係其中一間。席間我已經發覺佢哋內容了無新意，objectives同SWOT analysis嗰幾張slide更係熟口熟面。到有一張slide，我終於忍唔住。
「Scuse me，呢度你寫2016–17喎，do you mean 2018–19？」
「啊，係係，同事typo，哈哈。」佢老細尷尬回應。
有type過，但type錯，叫typo，但我相信呢個應該係佢哋兩年前type落，唔記得改，所以唔可以叫typo。
Anyway，presentation完咗，我哋一行8人去咗灣仔食Omakase，盛惠$850一位，agency請客。冇明文規定agency一定要請客人食飯，亦冇明文規定一定要食咁貴，但agency盛情難卻，我老細又想食貴啲啲，咁就變咗順理成章。我作為客嘅一方，有人請食飯當然感覺thankful，但我其實更appreciate佢哋平日準時交功課、畀心機寫好啲copies。
兩日後，我哋見第二間agency，一間前年都有見過，但我哋最終冇揀到嘅較小型本地agency。佢哋詳細分析咗我哋公司呢兩年campaign嘅利弊，我哋喺市場上嘅positioning，提供咗一系列solution-based方案。Well, I am pretty impressed。Presentation完咗，佢哋冇請我哋食飯，我就同咗IT部傑仔去食米線。
傑仔可能見我好多嘢諗，所以食完飯就話請我飲珍珠奶茶。排隊買奶茶期間，傑仔喺褸袋入面攞出一隻摺得埋嘅環保杯嚟裝奶茶。我好奇問佢：「Wow，做咩咁environmentally friendly？」
「下，我一星期飲兩三杯，每次唔駛10分鐘就飲晒，咁又扔一隻紙杯我覺得勁浪費。」佢一手畀錢、一手畀埋隻杯個收銀員。
「呢個杯我上網幫襯一間”士多”買嘅，我覺得佢哋撐香港品牌個idea同理念好，又係80後start-up，咪幫襯囉。有時做人好、做嘢好，唔係人哋話咁做你就要咁做，亦唔係話間公司夠大先至係好嘢。你自己覺得係啱嘅，就要去試下，話唔埋會有意外收穫。」佢一輪咀係咁講。
一路行返office，我一路諗返傑仔講嘅說話。嚟緊呢兩年，我將會係對agency對得最多嘅人。有意見，如果我都唔出聲，仲有邊個會出聲？要有突破、要有更好嘅服務質素，有時係需要勇氣去作出嘗試。
行到返office，我鼓起勇氣，敲門行入老細房。
「老細，你有冇時間傾下個RFP，我有啲建議。」
#係時候試下新嘢
#過千件香港品牌/環保產品/零食
#環保啲LunchTime帶隻杯去買珍奶
