-Esta é unha iniciativa promovida por DC ( Dereitos Civís -
http://goo.gl/oDfq5I )
O Defensor do Pobo emitiu unha resolución na que lle recomenda ao Ministerio do Interior a apertura dun expediente sancionador a policías españois de Pontevedra e a determinar mediante probas caligráficas a súa responsabilidade na falsificación de sinaturas nunha denuncia contra un sindicalista da CIG.
Na súa resolución incide en que o propio informe remitido pola Comisaría pontevedresa sinala que o denunciado -Xabier Aboi, da FGAMT-CIG- “ao observar que as sinaturas dos axentes denunciantes que constan na denuncia e na ratificación semellaban non ser iguais, acudiu á vía xudicial alegando unha presunta falsificación das mesmas e conseguindo que a sanción fose revogada”.
A pesar da recomendación a Dirección Xeral da Policía decidiu non iniciar ningunha investigación. Por outro lado a Delegación do Goberno en Galiza tamén decidiu non iniciar ningunha investigación sobre os feitos denunciados.
Por todo o dito consideramos importante que o Defensor do Pobo remita a información recopilada durante a súa investigación á Fiscalía e que esta actúe segundo dereito.
Suxerencia do Defensor del Pueblo:
https://www.defensordelpueblo.es/resoluciones/procedimiento-sancionador-a-funcionarios-policiales/