पुणे : पोलीसनामा ऑनलाइन – देशासह जगभरात नवीन वर्षाचे मध्यरात्री जल्लोषात स्वागत करण्यात आले. ३१ डिसेंबरला पब, बार आणि हॉटेल्स रात्रभर सुरु ठेवण्याची परवानगी मिळाल्यामुळे पुणे, मुंबईतील तरूणाईने नववर्षाच्या स्वागताची मजा लुटली. पुणेसह अनेक शहरातील रस्ते रात्री गर्दीने ओसंडून वाहत होते. अलिबाग, मुंबईतील किनारे गर्दीने खचाखच भरले होते. कोणताही अनुचित प्रकार घडू नये म्हणून सर्वत्र कडेकोट पोलीस बंदोबस्त ठेवण्यात आला होता.
जगभरात नववर्षाचा उत्साह दिसून आला. प्रशांत महासागरातील टोंगा आयलँड या देशाने सर्वप्रथम नव्या वर्षाचे स्वागत केले आहे. भारतीय वेळेनुसार दुपारी साडेचार वाजता टोंगा बेटावर नवीन वर्षाचे आगमन झाले. या देशाला किरीबाटी या नावानेही ओळखले जाते. त्यानंतर काही मिनीटांतच तुफान आतषबाजीसह न्यूझीलँडमध्ये नव्या वर्षाचे आगमन झाले. न्यूझीलँड पाठोपाठ ऑस्टड्ढेलियानेही नवीन वर्षाचे स्वागत केले आहे. ऑस्टड्ढेलिया नंतर पूर्व आशियातील कोरिया, जपान,चीन या देशांमध्ये आणि त्यानंतर दक्षिण आशियातील नेपाळ,बांग्लादेश आणि भारतात नव्या वर्षाचे उत्साहात स्वागत करण्यात आले.