អង្គការវីអេសអូ ជាអង្គការមនុស្សធម៌អន្ដរជាតិដឹកនាំផ្នែកអភិវឌ្ឍន៍ ដើម្បីកាត់បន្ថយភាព    ក្រីក្រនៅក្នុងប្រទេសកំពុងអភិវឌ្ឍន៍នៅលើពិភពលោក។ នៅប្រទេសកម្ពុជា អង្គការវីអេសអូ បានចាប់        អនុវត្ដកម្មវិធីរបស់ខ្លួនចាប់តាំងពីឆ្នាំ ១៩៩១។ ហើយនៅឆ្នាំ២០១២ អង្គការវីអេសអូ បានបង្កើតកម្មវិធីយុវជនស្ម័គ្រចិត្តចំរុះវប្បធម៌​ ហៅកាត់ថា​ ICS (International Citizen Services Programme) បន្ថែមទៅលើកម្មវិធីបួនផ្សេងទៀតរបស់ខ្លួន។ កម្មវិធីយុវជនស្ម័គ្រចិត្តចំរុះ វប្បធម៌ ត្រូវបានបង្កើតឡើងដើម្បីផ្ដល់ឱកាសដល់យុវជនកម្ពុជា ដែលមានអាយុចាប់ពី១៨ ដល់ ២៩ឆ្នាំ បានចូលរួមផ្លាស់ប្ដូរ និងចែករំលែកបទពិសោធន៍ជាមួយយុវជនពីចក្រភពអង់គ្លេង។ យុវជនទាំងអស់ត្រូវបានផ្ដល់ឱកាសឲ្យស្នាក់ក្នុងផ្ទះគ្រួសារសហគមន៍ ហើយពួកគេត្រូវរៀបចំគម្រោងអភិវឌ្ឍន៍សម្រាប់រយៈពេលបីខែ។ កម្មវិធីនេះ ធ្វើឡើងបីតំណាក់កាលក្នុងមួយឆ្នាំ ដែលក្នុងតំណាក់កាលនីមួយៗមានការចូលរួមពីយុវជនកម្ពុជាចំនួន ៥០នាក់ និងយុវជនមកចក្រភពអង់គ្លេស ៥០នាក់។ បច្ចុប្បន្ន អង្គការ          វីអេសអូ កំពុងអនុវត្តន៍កម្មវិធីយុវជនស្ម័គ្រចិត្តចំរុះវប្បធម៌ នៅតាមបណ្តាខេត្ដ ក្រចេះ និងខេត្ដបាត់ដំបង។  

ការចូលរួមក្នុងកម្មវិធីយុវជនស្ម័គ្រចិត្តចំរុះវប្បធម៌ យុវជនទាំងអស់ នឹងទទួលបាន៖
 • ប្រាក់ឧបត្ថម្ភចំនួន ១២០ ដុល្លារ ក្នុងមួយខែ រួមទាំងធានារាប់រងសុខភាព និងការស្នាក់នៅ         កំឡុងពេលអនុវត្តន៍គម្រោងបីខែ រួមទាំងការផ្ដល់ឲ្យនូវអាហារពេលល្ងាចជារៀងរាល់ថ្ងៃ។
• ការអភិវឌ្ឍន៍ជំនាញគ្រប់គ្រងគម្រោង ការសម្របសម្រួលការងារសហគមន៍ ការងារអភិវឌ្ឍន៍សហគមន៍ ការសរសេររបាយការណ៍ហិរញ្ញវត្ថុ និងរបាយការណ៍គម្រោង ការធ្វើបទបង្ហាញស្ដីពីរបាយកាណ៍ និងវិធីសាស្រ្តក្នុងការស្រាវជ្រាវតាមបែបសង្គម។
 • ការអភិវឌ្ឍន៍ជំនាញ ភាសាអង់គ្លេស ក្រុមការងារ ការទំនាក់ទំនង ការពិនិត្យតាមដាន ការវាយតម្លៃគម្រោង ការដោះស្រាយបញ្ហា និង អភិវឌ្ឍន៍ជំនាញភាពជាអ្នកដឹកនាំ។
 • ការរស់នៅក្នុងផ្ទះសហគមន៍ជាមួយយុវជន ដែលមកពីចក្រភពអង់គ្លេស យល់ដឹងពីទំនាក់ទំនង និងទទូលបានបទពិសោធន៍ការងារចំរុះវប្បធម៏។
 • ការទទួលបានវិញ្ញាបនប័ត្របញ្ជាក់ការបញ្ចប់វគ្គ ដែលចេញពីរដ្ឋាភិបាលនៃចក្រភពអង់គ្លេស (មានសារៈប្រយោជន៍សម្រាប់ស្វែងរកការងារធ្វើ)។