ही नेटवर्क कंपनी साखळीपद्धतीची असल्यामुळे त्यावर कुणी विश्वास ठेवला नाही. त्यामुळे त्यांनी कंपनीत सदस्यत्वासाठी भरलेले ४० हजार रुपये बुडाले. या प्रकारामुळे बुडालेला पैसा वसूल करण्यासाठी त्यांनी चोरी करण्याची नामी शक्कल लढवली. बुटीबोरी येथे किरायाने राहत असल्याने त्यांनी मुख्य बाजारओळीतील दिवेश एंटरप्राइजेसला आपले लक्ष्य केले.
३० ऑक्टोबर रोजी मध्यरात्री आपला हेतू साध्य केला. नवनियुक्त ठाणेदार आसिफराजा शेख यांनी घटनेचे गांभीर्य लक्षात घेऊन प्रकरण स्थानिक गुन्हे शाखेकडे सोपविले.
नागपूर ग्रामीणचे पोलीस अधीक्षक राकेश ओला यांच्या मार्गदर्शनात स्थानिक गुन्हे शाखेने तपासाला वेग दिला. स्थानिक गुन्हे शाखेच्या पथकाने काही संशयितांना ताब्यात घेतले. कसून चौकशी केली असता बुटीबोरीतील चोरी प्रकरण उघडकीस आले. आरोपींची सखोल चौकशी केली असता त्यांनी गुन्ह्याची कबुली दिली.
आरोपींच्या ताब्यातून ३० मोबाइल, एक लॅपटॉप, एक टिड्ढमर असा एकूण एक लाख ५२ हजारांचा मुद्देमाल जप्त करण्यात आला. दोन्ही आरोपींना बुटीबोरी पोलिसांच्या स्वाधीन करण्यात आले. त्यांच्यावर गुन्हा दाखल केला असून पुढील तपास पोलीस निरीक्षक आसिफराजा शेख यांच्या मार्गदर्शनात पोलीस उपनिरीक्षक मनोज मेश्राम करीत आहेत.