الفرق بين موديلات وانواع اللورز hard baits

الفرق بين موديلات اللورز (hard baits)

بعض انواع اللورز لشركات ومقاسات مختلفة

The-difference-between-models-and-types-of-lourdes

Top Water . Popper or pensile bait 

هو موديل من اللورز بوبر او ربلات عائمه علي سطح الماء لاستهداف السمك العائم 

 

واستخدامه للاماكن الضحله او الاثر هو من الموديلات الناجحه جداااا من وجهه نظري. Floating Minnow .

فكرته ان لو رميت ووقفت عن اللم حيطفو علي وش الميه

Suspend minnow .

ان لو رميت اللورز ووقفت عن اللم حيفضل مكانه مبيتحركش لا يطفو ولا يغرق يمسك اخر عمق وصل ليه وانت بتلم .

Sinking minnow .

لو رميت اللورز ووقفت عن اللم حينزل لتحت ويغرق ودة ملهوش اي علاقه بحجم الدفه .

Deep diving minnow .

دة الموديل الوحيد الي دفته طويله وكل ما انت بتلم بالمكنه هو بيغرق للعمق

Metal jig.

وهي الجيجات الي بنستخدمها لاماكن الاعماق . وممكن نستخدم الجيجات بطريقه رأسيه من المركب

 

 او بطريقه افقيه من الشواطئ زي الشور جيجينج وحنتكلم عليه بتوسع .

 

ممكن تبقي الربله نفس الشكل ونفس الدفه بس يبقي فيها منها موديلات مختلفه Floating او sinking .

 

 او suspend كل رابله وانت بتشتريها بيبقي مكتوب عليها بياناتها . 

السمك بيشدوا اللون والحركه وصوت البلي الي في اللورز 

 

اللورز مصنوع من خامات والوان بدرجات طبعا كله علي حسب سعرة فيه الغالي

 

 وفيه المتوسط وفيه الرخيص 

اهم ما يميز اللورز من حيث جودتها . الوانها الي بتحاكي شكل الاسماك والوانها من

 

 حيث انها بتقشر بسرعه ولا لا 

واكشنها في الميه يعني حركتها كويسه ولا لا او لو لميت بسرعه عاليه ممكن الربله تقلب علي جنب .

المكن والبوصه .

 

المكن . دلوقتي كل المكن الحديث مصنوع من الجرافييت المقوي او جزيأت الكاربون علشان

 

 يديك خفه وبردة صغرة حجم المكنه بس زودو سرعه لف دوران المكنه الي هو الgear ratio ورلمان

 

 بلي زيادة يبقي المكنه المقاس الصغير بنفس سرعه وقوة المكنه المقاس الكبير بالعكس المكن الحديث

 

 افضل واخف واقوي من الموديلات القديمه .

البوص . 

 

دايما بوص الكاستينج مصنوع من الكاربون مميزاته انه خفيف وقوي بيريح الصياد

 

 لو حيطاد وقت طويل ولو انت مثلا عايز تعمل اكشن باللورز تقدر تعمله بسهوله مثلا لو 

 

انت عايز تشتغل بلورز عائم وحبيت تعمل اكشن walk the dog هل تعرف تعمله ببوصه

 

 تقيله تكون سيرف استحاله طبعا .

البريد 

 

خيط رفيع وقوي حتقدر تملي بيه المكنه الصغير وبردة ممتاز في التشويح حيحدف معاك

 

 اللورز الصغيرة الخفيفه علشان احتكاكه بالهواء مش زي النايلون .

اي مكنه وبوصه ينفع تشوح بيها بالربلات وتاخد سمك مفيش مشكله بس فيه فرق بين واحد 

 

بيصطاد بالربلات وبين صياد الكاستينج الي بيبقي عارف حيلعب مع السمكه ازاي .

عايز تكتسب خبرة في الكاستينج لازم تنوع المرامي الي بتصطاد منها وبالتالي حتنوع 

 

في موديلات اللورز متعتمدش علي مرمي واحد اخدت منه سمك .

 

انا كنت في الاول بشتغل ببوصه عاديه ومكنه عاديه وكنت باخد سمك مفيش مشكله ابداااا 

 

بس مع الوقت حبيت اخفف العدة وانوع في المرامي واستخدم مختلف

 

 الموديلات من اللورز علشان ابقي صياد كاستينج بجد .

 

للعلم والافاده 

بعض المواضيع والمقالات منقوله من مجموعات مختلفه سواء جروبات او صفحات فيس بوك 

وذلك لتعليم اكبر عدد من الاشخاص المهتمين بصيد السمك وتوفير جميع المعلومات له 

لاتنسي مشاركه الموضوع وترك تعليق اذا اعجبك ونشكركم علي متابعه القرأه

الشروط التي يجب معرفتها في اختيار عدة صيد الكاستينج

شروط عدة الكاستينج

الشروط التي يجب معرفتها في اختيار عدة صيد الكاستينج

بس الله الرحمن الرحيم .

ان شاء الله البوست دة حنتكلم فيه عن العدة المناسبه للكاستينج المتوفرة في السوق المصري

 وحيبقي فيه احدث المنتجات . 

الكاستينج هو :

الكاستينج او الاسبينينج ليه عدة خاصه بيه من مكن وبوص اهم ما حاجه في عدة الكاستينج انه

 يكون خفيف علشان تقدر تنفذ اكشن بطريقه صح ودراعك ميتعبش لو قعدت تصطاد وقت طويل .

معلومة سريعة :  كل ما كانت العدة خفيفه وماركه كويسه حتديلك اعلي اداء .

بالنسبه للبوص .

بوصة صيد دايوا مخصصة لصيد الكاستينج

بوصة صيد شيمانو اليفيو مخصصة لصيد الكاستينج

بوص لصيد الكاستينج ماركات اخري

 

احنا بنشتري البوصه علي حسب طولها وعلي حسب الكاست ويت وفيه بوص دراعه قصير

 وفيه دراع طويل دايما بيفضل الدراع الاطول بالنسبه لعدة الاسبينينج طول البوصه عامل مهم جداااا

 لو انت واقف في مكان عالي البوصه الطويله احسن بيبقي اقصي طول ليها 3.60 متر لو انت واقف

 علي مكان مستوي البوصه القصيرة افضل واقل طول 1.80 متر لحد 2.40متر كل بوصه مكتوب 

عليها كاست ويت انت بتستخدمها علي حسب وزن اللورز الي بتشتغل بيها علي الميه كل صياد كاستينج

 بيبقي معاها اطوال مختلفه من البوص ووزن اللورز الي بتشيله في وقت الغلو دة انا ممكن اجيب بوصه

 تنفع وتشلغني كويس جداااا جداااا بالنسبه لاماكن العاليه وبالنسبه للورز الي بستخدمها يبقي طول 

البوصه المناسب الي حينفعك لاماكن العاليه ولاماكن المستويه وبردة يشيل معاك لورز صغيرة 

وكبيرة طول المناسب هو ال3 متر والكاست ويت من 10 الي 40 جرام هي ديه البوصه المثاليه 

جدااا وممكن بردة كاست ويت من 20 الي 50 جرام متزودش عن كدة ابدااا .

بالنسبه للمكن هو نوعين البيت كاستينج و مكن الاسبينينج 

مكنه اسبينينج

مكن بيت كاست

 

مكن البيت كاستينج بيبقي محتاج تدريب شويه لاستخدامه خلينا في مكن الاسبينينج هو الاكتر

 انتشار عندنا في السوق المصري ومميزاته انه بيحدف مسافات ابعد بيبتدي مقاساته 

من 2000لحد 4000 المقاس المناسب جداااا هو ال4000 حاول تجيب ماركه كويسه .

الماركات الجيدة الي تقدر تشتريها من بوص ومكن .

Shimano
Daiwa
Penn
Mitchell
Dam
Black hole
Surcatch
Okuma

يعني اي شركه عالميه تكون معروفه بمنتجاتها القويه والمتوفرة ادامك .

الخيوط المستخدمه .

 

بريد سفكس

عامل مهم جداااا طبعا فيه البريد وفيه الخيوط البلاستيك طبعا البريد افضل بكتير جدااا جدااا من البلاستيك 

في قوة التحمل وحدفك للورز بالذات في اللورز الصغيرة البريد بيبتدي من مقاس 12 الي 23 دة المستخدم 

وافضل مقاس من 18 و 20 . 

بريد شيمانو بجميع المقاسات

الانواع .

Powerpro
Sufix
Dam
Okuma
Shimano

يفضل ان تأتي من النوع المتوفر من شركه كويسه

الليدر & المشبك .

 

الليدر هو الوصله بين البريد واللورز الليدر ليه مميزات اكيد ومن عوامل نجاح الكاستينج . 

الليدر فلوروكاربون غير مرئي للسمكه فيه ناس كتير بتستخدم الخيط البلاستيك العادي مفيش مشكله بس

 الصح استخدام الليدر الغير مرئي . الليدر فيه منه مقاسات كتير بنستخدمها علي حسب حجم الاسماك المستهدفه .

 كل ما اللورز في الميه مقنع للسمكه كل ما فرصتك اكبر لنجاح صيدك . الليدر بيمتص اول ضربه للسمكه الكبيرة 

زي الجيجينج كدة .ولا قدر الله لو اللورز وعرت تقدر تقطعه .

المشبك .

مشبك

 

 وديه الي انت بتربطها في نهايه طرف الليدر و بتعلق فيها اللورز طبعا هي مهمه بتديلك سهوله في تغيير

 اللورز وانت بتصطاد و بتريح حركه اللورز وهي ماشيه في الميه وهي مقاسات صغيرة ومتوسطه وكبيرة

 وطبعا بيبقي معايا مجموعه من المقاسات بستخدمها علي حسب استخدام حجم اللورز يعني مينفعش استخدم 

مشبك كبير وانا مركب لورز صغيرة والعكس صحيح . المشبك ليه قوة تحمل بيبقي مكتوب علي الورقه وانت بتشتريها . 

ناخد بالاسباب ونتبع الاسلوب السليم والرزق من عند الله .

هوك & الحلقات .

 

هوكات من نو vmc من شركة رابلا

الكاستينج منظومه عوامل متكامله لنجاح صيدك وممكن من اقل الاشياء انك متهتمش بيها

 العمليه كلها تفشل فيه ناس كتير مش بيهتموا بتغير هوكات اللورز مع انها من اهم عوامل نجاح صيد الكاستينج .

 لازم بصفه مستمرة تغيير الحلقات لو عليها صدأ علشان متعملش صدأ علي بطن اللورز و الهوكات 

 علشان ميفلتش منك سمك وانت بتصطاد وحافظ علي اللورز انك بعد كل صيدة تغسلها بالميه العذبه 

ولما تيجي تغير الحلقات او الهوكات لازم تجيب نفس المقاس الي متركب عليها اساسا 

علشان لو ركبت هوكات اكبر حتاثر علي حركتها ولو ركبت اصغر حتفلت منك سمك .

صيانه الخيط والمكنه بعد كل طلعه صيد .

بتفك حله المكنه وبتحطها فيه مياة دافيه لمدة 10 دقائق علشان تنزل ملح البحر والمكنه 

بفوطه مبلوله بتنضف اجزاء المكنه ولازم كل فترة تعمل للمكنه صيانه عن طريق التشحيم .

اختيارك للورز .

تشكيلة جميلة لانواع اللورز المستخدمة في صيد الكاستينج

 

كل لورز انت بتشتريها بيبقي مكتوب بياناتها بالنسبه للمقاس وبتغطس قد ايه الصياد بيبقي معاه 

مقاسات والوان وموديلات مختلفه بيستخدمها علي حسب الموسم الاسماك والاماكن الي بيصطاد منها

بعض انواع لور

للعلم والافاده 

بعض المواضيع والمقالات منقوله من مجموعات مختلفه سواء جروبات او صفحات فيس بوك 

وذلك لتعليم اكبر عدد من الاشخاص المهتمين بصيد السمك وتوفير جميع المعلومات له 

لاتنسي مشاركه الموضوع وترك تعليق اذا اعجبك ونشكركم علي متابعه القرأه

افضل طريقة لشراء ماكينة صيد سمك مناسبة

كيفية شراء ماكينه صيد مناسبة لهدفك ؟

افضل طريقة لشراء ماكينة صيد سمك مناسبة

 

هذا السؤال قبل الإجابة عليه اولا لابد ان تعرف ان هناك أربع انواع من البكرات :
_

_
_

أ - بكرات بطئية وهي تكون نسبتها كتالي مثلا
(3.0:1) أو (6.1:1) أو (3.2:1) .

ب- بكرات عادية وهي تكون نسبتها مثلا
(3.3:1) أو (7.4:1) أو (8.5:1) أو (3.6:1) أو (3.7:1)

ج- بكرات سريعة وهي نسبتها تكون كالتالي
(3.8:1) أو (3.10:1) أو (3.30:1)

د - بكرات ذات سرعتين ( (2.2:1/ 3.30:1 ) هذه البكرات هي التطور الحديث الان تجمع

 

 نوعين من السرعات سرعة بطيئه وسرعة سريعة جدا .

الأن لك الخيار في إختيار النوع المناسب لك على حسب نوع الصيد المراد صيد إذا كان 

 

صيدك سمك كبير الحجم فلابد ان تبحث عن البكرات ذات السرعة البطئية أو البكرات ذات السرعتين .

أما إذا كان صيدك السمك الصغير والمتوسط الحجم إبحث عن البكرة السريعة والعادية .

كيفية شراء ماكينة الصيد

باختصار !!! الغرض من الموضوع تحديد الماكينة المناسبة لطريقة الصيد من حيث الحجم والوزن 

 

وليس الدخول في المواصفات الفنية لاختيار المكنة لانه موضوع منفصل سيتم شرحه بامر الله.

النهاردة حنتكلم عن موضوع غاية في الاهمية بالنسبة للمبدئين ... ازاي اختار ماكينة الصيد !!!

 

اي صياد مبتدئ ممكن للاسف يروح يشتري اي مكنة واي بوصة المهم انه يكون عدة ...

 

 لكن قبل ماتشتري لازم تعرف انت عايز الماكينة لايه وحتشغل بيها على ايه .....

 

 وعدم تجاهل وزن الماكينة والتي تغيب عن اغلب الصيادين الهواة مع انها ذات اهمية !!!

طيب لو فرضنا حضرتك عجبك موضوع المخايلات على السمك يعني بتستخدم رابيلا سواء

 

 للكليماري او للمخايلة على القاروص ... وعايز تخصص عدة ليها .... هنا حضرتك حتحتاج ماكينة 

 

صغيرة بس محترمة يعني تتحمل معاك لو ضربت حاجة تقيلة وخاصة شغل القاروص ... 

 

وعود خفيف ويستحسن لو كربون محترم

... ليه بنقول كده علشان المخايلة بتحتاج مجهود مستمر يعني بتحمل على ايديك فترة طويلة

 

 وبتعمل نفس الحركة بصفة منتظمة هو التوشيح ولم الخيط وهكذا ... فلو استخدمت ماكينة كبيرة 

 

وعود تقيل حتعاني من الاجهاد وحيأثر ده على قوة التوشيح والاجهاد اثناء اللم .....!!

يعني فيه ناس بتسخدم مكن كبير وبوص تقيل للمخايلة حقولك اه بس حتلاقيهم بيعانوا كتير

 

 من الاجهاد في ممارسة تلك الطريقة ... يعني معنى كلامي انك بتختار الماكينة حسب الغرض

 

 منها والصياد المحترف هو اللي بيتعامل مع كل طريقة صيد بعدة مختلفة ......!!

حضرتك حتلاقي اغلب الصيادين المبتدئين بتشتري ماكينة تشتغل بيها في اي حاجة وللاسف

 

 فيه منهم بيشتري مكن بيكون مخصص للكاستينج ويجي يتعامل بيه في التسقيط بيفاجأ بان الماكينة تقيلة

 

 وبتسحب بالعافية ... ولو رجع للموديل حيلاقيه مخصص للكاستنج وفي احدى المرات وقع احد

 

 الصيادين في هذا الامر ووضحت انا له ان الماكينة مخصصة للكاستينج وليست للتسقيط .... !!!

كما هناك بعض الصيادين بتشتري مكن للتسقيط وعند استعمال تجد ان وزنه كبير ويمثل عبء 

 

عليه اثناء ممارسة الصيد ويرجع من رحلة الصيد وبيفكر يغير الماكينة ويتكلف مبالغ اخرى

 

 كان في غنى عنها لو اشترى ما يناسبه ويناسب طريقة الصيد!!

هناك بعض الموديلات التي تعمل على شغل الكاستينج والتسقيط وعملت بصورة جيدة زي الشور

 

 كاتش ٨٠٠٠ والبانكس sx5000 و البانكس si7000 وغيرها من مكن الصيد المعروف

 

 بالسوق المصري !!! فهذه الماكينات ذات جودة عاليه وتعمل على Ball bearing

فيه بعض ماكينات الجر الصغيرة والتي تصلح في شغل التسقيط امثال الشيمانو والاولميبك والروبي

 

 والدايوا وهي من الاحجام الوسطية وبعض الصيادين بيستخدموها في الجيج لكن بيتوقف هذا الامر 

 

على وزن الماكينة لانك في التسقيط او الجيج بتحمل على ايديك وبحتاج قوة بدنية اكثر من الكاستينج

 

 لانك بتتعامل مع اسماك القاع واسماك القاع دي انت متعرض فيها لاحجام كبيرة ممكن تصادفك.

بالنسبة لشغل النيل مش محتاج مكن كبير ممكن تشتغل بمكن وسطي ماركات محترمة لانك مش محتاج 

 

حلة كبيؤة زي صيد الماء المالح ... علشان كده اي مبتدء في الصيد لازم يتابع حتى اعلانات 

 

المكن حتلاقي اي حد بينوه على المكن الصغير انه يصلح لشغل النيل !!!!

يعني باختصار الكلام ... قبل ما تشتري ماكينة . اسأل نفسك الاول محتاجها ليه ... اسأل اهل الخبرة ... 

 

تعود على تخصيص مكن لكل طريقة صيد ... حاول تقلل مجهودك على قدر الامكان في التعامل مع ادوات الصيد 

 

حتى تستمتع بالصيد وتستطيع الاحتمال لاكبر وقت ممكن وخاصة في التسقيط والجيج ...

 

 تابع مواصفات المكن ووزن الماكينة قبل الشراء ... وهو وزنها مناسب لطريقة الضيد وقدرتك البدنية !!!

وربما هذا الامر يجب ان يؤخذ في الاعتبار وخاصة من ممارسات هواية الصيد من النساء

 

 لان قدرتهم على التحمل لحمل عدة ذات اوزان كبيرة اقل من قدرة تحمل الرجل

للعلم والافاده 

بعض المواضيع والمقالات منقوله من مجموعات مختلفه سواء جروبات او صفحات فيس بوك 

وذلك لتعليم اكبر عدد من الاشخاص المهتمين بصيد السمك وتوفير جميع المعلومات له 

لاتنسي مشاركه الموضوع وترك تعليق اذا اعجبك ونشكركم علي متابعه القرأه

اجمل 10 اسماك ملونة في عالم البحار

اجمل 10 اسماك ملونة في عالم البحار

سبحان من خلق فابدع ، سبحان من اوجد في ظلمات البحر اسماك

 لها الوان تسر الناظرين ، كائنات بحرية تفوق الخيال داخل المياه الصافية ، 

سوف نقدم لكم افضل 10 اسماك ملونة في عالم البحار :

سمكة ببغاء قوس قزج :

ترجع تسميتها الى فمها الذي يتشابه مع مناقير الطيور ، التي تستخدمها لاكل اللافقاريات الصغيرة الموجودة داخل الشعاب المرجانية ،

 وهذه السمكة تتلون على مراحل حياتها ففي اول مرحلة تكون ذات لون احمر ثم تأخذ اللون البني او الرمادي ، وفي مرحلة النضج تاخذ

 اللون الاخضر او الازرق مع اللون الوردي واحيانا تكون ذات بقع صفراء ، أما عن حجم سمكة الببغاء فطولها يصل الي واحد ونصف

 متر ، ولان سمكة الببغاء تتغذى على الاسماك الموجودة داخل الشعاب المرجانية والاعشاب البحرية فتجدها تعيش في الاماكن القريبة

 منهم لتضمن غذائها مثل منطقة البحر الكاريبي .سمكة ببغاء قوس قزج

سمكة المهرج Clownflish : 

الاسم العلمي لها هو Anemonefish ،

وهي من الاسماك ذات الشكل الجمالي الرائع فهي تاخذ اللون البرتقالي مع الاصفر مع خطوط بيضاء مع بطانة سوداء ،

 وعن حجمها فيتراوح طولها بين 10 سنتيمتر الى 18 سنتيمتر ، وتتخذ سمكة المهرج المحيط الهندي والهادي 

في كل من اسيا و اليابان مكان دافئ لتعيش فيه ، وعادة تتواجد قرب شقائق النعمان في اعماق البحار ،

 و تتغذى سمكة المهرج على اللافقاريات الصغيرة وتستخدم شقائق النعمان كمكان لتختبأ فيه من اعدائها 

وعمرها يتراوح بين 3 الى 5 سنوات وفي بعض الاحيان يصل الى 10 سنوات والجدير بالذكر

 ان سمكة المهرج لا تملك اى وسائل للدفاع عن نفسها .

سمكة الزناد المهرج

Clown Trigger Fish :
ما يميز هذ النوع من الاسماك الخطوط والبقع ، وهي من الاسماك الملونة التي لها طابع خاص حيث تعيش في كل من المحيطات

 الاستوائية وشبه الاستوائية وتتواجد بشكل اكبر في المحيط الهادي والمحيط الهندي ، ويصل طولها الى 50 سنتيمتر .

سمكة الزناد المهرج

سمكة مغاربي (عبد المعبود)

Moorish Idol
: هي سمكة مكلفة جدا وهي واحدة من اكثر الاسماك صعوبة اذا اردنا الاحتفاظ بها في حوض سمك بالمنزل.

 تتمتع بالوان ساحرة غاية في الجمال مثل الاسمر و الابيض و الاصفر ، وعن حجمها فيبلغ طولها 23 سنتيمتر

 و تعيش سمكة مغاربي المعبود في المحيطين الهندي والهادي بالمناطق التي يكثر بها الشعاب المرجانية .سمكة مغاربي المعبود

سمكة جمبري السرعوف

Mantis Shrimp :
ياخذ جمبري السرعوف مجموعة متعددة من الالوان الرائعة من البني الى الوان النيون الساطعة ، تعتبر جمبري السرعوف من

 الحيوانات المفترسة الذي يستطيع ان يتسبب بجروح كبيرة ومؤلمة فهو يستطيع ان يخترق زجاج الحوض بضربة واحدة

 لذا فهو يعتبر من الحيوانات العدائية .سمكة جمبري السرعوف

سمكة ديسكس

Symphysodon :

هذه الاسماك تاخذ شكل الجسم المضغوط جانبيا ، موطنها الاصلي

 
هو نهر الامازون بامريكا الجنوبية ، وهي غالبا تتجمع باعداد كبيرة جدا بين بقايا الاشجارالمتساقطة في المناطق بطيئة التيار ،

 وهي من اسماك الزينة حيث مظهرها الجميل ذات الالوان الخلابة ، ويصل ارتفاعها حوالي من 20 الى 25 سنتيمتر.سمكة ديسكس

سمكة نوديبرانش

Nudibranch

: هي من اجمل الاسماك الملونة في العالم هي سمكة بها نقاط بلون ازرق ساحر في الغالب ،هي من الرخويات البحرية ،

وهي منتشرة في كل العالم بشرط تواجد المياه المالحة ، وتعيش سمكة نوديبرانس في اعماق 700 متر فااكثر .سمكة نوديبرانش

اسماك ملاك الامبراطور

Juvenile Emporer Angel Fish :

هي من اروع الاسماك على وجه الاطلاق ليس معروفة لدى كثير من الغوصين ، ذات الوان مبهره تسر الناظرين

 فهي تجمع بين لونين الازرق الكهربائي والازرق وخطوط صفراء مع خطوط زرقاء وحول عيناها يوجد لون اسود ، 

اما عن حجمها فطولها يبلغ 40 سينتيمتر ، تعيش سمكة ملاك الامبراطور في المحيط الهادي والمحيط الهندي بالبحر الاحمر

 .اسماك ملاك الامبراطور

سمكة الاسد

lion fish :

برغم من جمالها وشكلها الخلاب الا انه جمال سام فسمكة الاسد من اخطر الاسماك السامة بالعالم فهي لديها اشواك ظهرية 

سامة هذا بالاضافة الى لدغتها فهي لدغة مروعة حقا فأذا قامت بلدغ انسان فسوف يصاب بالتقيؤ و الم شديد و صداع 

مزمن و احيانا صعوبة في التنفس ، وهي تجمع بين الوان زاهية مثل الاحمر و البرتقالي و الاخضر و الاصفر و الابيض

اسماك الماندارين

Mandarin Fish

: هي من اجمل الاسماك الملونة تعيش في المحيط الهادى وفي اليابان واستراليا ، وغالبا تجد اسماك الماندرين

 في المناطق الساحلية في اعماق 18 متر ، الوانها خلابة مثل اللون الازرق الذي يتخلله اللون الاصفر و البرتقالي .اسماك الماندارين

فديو جميل جدا لبعض انواع الاسماك وسمك الزينة 

 

للعلم والافاده 

بعض المواضيع والمقالات منقوله من مجموعات مختلفه سواء جروبات او صفحات فيس بوك 

وذلك لتعليم اكبر عدد من الاشخاص المهتمين بصيد السمك وتوفير جميع المعلومات له 

لاتنسي مشاركه الموضوع وترك تعليق اذا اعجبك ونشكركم علي متابعه القرأه

كيفية صيد سمك الهامور

طريقة صيد سمك الهامور

كيفية صيد سمك الهامور

سمك الهامور

يطلق عليه أيضاً تسمية الجروبير العربي، ويصنف من الأسماك الشعاعية الزعانف شبيهة الأفراخ

 من رتبة الحبليات، يكثر تواجد سمك الهامور بكميات كبيرة وضخمة في مياه البحر الأحمر

ومياه الخليج العربي، وذلك بسبب توفّر البيئة والمناخ اللازم لتكاثرها ونموّها في هذه المياه، لذلك

 يكثر توفرها في أسواق دول الخليج العربي والدول الإفريقية التي تقع على ساحل البحر الأحمر

 كمصر والصومال، وعلى الرغم من ارتفاع أسعار هذه الأسماك إلّا أنّها تشهد إقبال كبير على شرائها،

 ويعود السبب في ذلك إلى لحمها الطري ورائحته الطيبة كما يعتبر سمك الهامور من أرقى المأكولات

 التي تقدّم في المناسبات الرسمية والحفلات

حجم سمك الهامور

من الممكن أن نجد سمكة الهامور بوزن كيلوغرام واحد وإلى جوارها سمكة هامور أخرى 

من نفس الصنف يبلغ وزنها 20 كيلو غرام ، ويزيد طول سمك الهامور البلغ عن 70 سم، 

أمّا صغير الهامور فيطلق عليه اسم بالول ويتراوح طوله ما بين 10 سم إلى 70 سم، كما تتميّز 

سمكة الهامور بحجم بطنها الكبير الذي يمنحها القدرة على تناول كميات كبيرة من المأكولات البحرية 

قد تصل إلى نصف حجمها، ومن المثير للاهتمام أنّه كلّما ازداد وزن هذا النوع من السمك كلّما 

ازداد لحمه طراوة وعصارة ونكهة. ينتشر في الأسواق سمك الهامور متوسط الحجم 

ويبلغ أكبر وزن سمكة هامور تم اصطيادها 50 كغم. 

طريقة صيد سمك الهامور

يستعمل الصيادون جميع سبل الصيد اللحديثة والقديمة لصيد سمك الهامور، 

ومن أهمّ الأمور التي يجب الاهتمام بها عند صيد سمك الهامور سمك الحبل المستخدم في صنارة الصيد، 

إذ يجب أن يكون سميكاً ومن الصعب قطعه، ويعود السبب في ذلك إلى قيام سمكة الهامور بعد التقاطها للطعم 

بلف حبل الصنارة الذي يقيّد حركتها حول صخرة وحته بالصخرة حتى ينقطع وتتخلص من القيد، 

كما يجب استعمال ثقل خفيف وصغير الحجم لوضع الطعم عليه حتى لا تنفر السمكة منه وسحب السمكة فور

 التهامها للطعم وبدأ حركتها؛ وذلك لأنّ سمكة الهامور تقوم بالفرار بأقصى سرعة لها والاختباء

 خلف الصخور الضخمة ممّا يجعل سحبها صعباً على الصياد، وطبعا افضل انواع الطعم المناسب

 لسمك الهامور ويفضل استعمال أن يكون الطعم من المحار

 الطازج أو أسماك السردين الصغيرة الحية أو قطع صغيرة من الأسماك الكبيرة حتى يسهل 

على سمكة الهامور التهامها، كما يفضّل غرز السنارة بداخل الطعم بحيث لا يظهر لسمكة الهامور

 بحيث يغرز في جسدها بعد بلع الطعم ممّا يساعد في عملية اصطياد السمكة دون إفلاتها من الطعم 

نرجو ترك تعليق واخبارنا ماذا استفدت...!!!

للعلم والافاده 

بعض المواضيع والمقالات منقوله من مجموعات مختلفه سواء جروبات او صفحات فيس بوك 

وذلك لتعليم اكبر عدد من الاشخاص المهتمين بصيد السمك وتوفير جميع المعلومات له 

لاتنسي مشاركه الموضوع وترك تعليق اذا اعجبك ونشكركم علي متابعه القرأه

افضل طريقة لصيد سمك الهامور

صيد سمك الهامور

افضل طريقة لصيد سمك الهامور

صيد السمك

خلق الله عزّ وجلّ ملايين الكائنات الحية على هذه الأرض بحيث تعيش كل منها في البيئة التي تلائمها،

 فمن الكائنات من اختارت الماء ليكون موطنها، كون البيئة المائية تتوفّر فيها الظروف والعوامل 

التي تلائم معيشة تلك الكائنات والتي من ضمنها الأسماك، وتعتبر الأسماك إحدى أنواع الكائنات 

التابعة لمملكة الحيوانات، وتتميز بامتلاكها الخياشيم التي تمكّنها من التنفس تحت الماء فقط،

 كما تتسم بافتقارها للأطراف الأربعة كباقي الحيوانات، ومن الممكن أن نجد الأسماك في 

جميع المسطحات المائية تقريباً، وعلى اختلاف أعماقها، وللأسماك أنواع كثيرة جداً مختلفة 

في شكلها وحجمها وخصائصها، ومن أبرز أمثلة الأسماك سمك الهامور.

 سمك الهامور

 هو

 أحد أنواع الأسماك التي تمتاز بكبر حجمها، إذ يزيد طولها عن 70 سم، أما بالنسبة للأسماك 

التي يتراوح طولها بين 10 – 70 سم فهي صغير الهامور وتسمى "بالول"، ووزنها يتراوح

 عادةً بين 8 – 50 كغ، وما يميز الهامور عن غيره من باقي الأسماك أنّه كلما كبر وزاد وزنه كان لحمه أفضل،

 وهو أغلى أنواع السمك، وتسمى أيضاً أسماك الهامور " الجروبير العربي "، وتشكل مياه البحر الأحمر

 والخليج العربي الموطن الملائم لنمو الهامور وتكاثره، بحيث يتواجد في المناطق الضحلة والقريبة من الشاطئ،

 وفي الأماكن العميقة بين الشعاب المرجانية. ويعتبر سمك الهامور من أكثر الأسماك المفضلة 

والمرغوب بها من قبل الكثيرين، لطراوة لحمه ونكهته الشهية واللذيذة، لذا يتم إدخاله بكثرة في المأكولات المعروفة،

 وعدا عن ذلك فإنّ لحوم هذه الأسماك تشكل غذاءً مفيداً جداً لجسم الإنسان، فهي دهنية 

وغنية بالأحماض الدهنية والأوميغا 3 والتي تقدم الكثير من الفوائد للجسم كوقايته من الأمراض،

 اسهامها الكبير في تكوين أنسجة المخ، العين والقرنية، كما أنها تعمل كمضاد للالتهابات، 

ولها دوركبير في التخفيف من آلام المفاصل، وتقوية الذاكرة، وتفادي خطر الإصابة بأمراض القلب.

 بسبب كل تلك الفوائد التي ذكرناها حول تلك الأسماك فإنّ الكثير من الناس يتجهون إلى صيدها،

 فهي من الأسماك التي يتمّ اصطيادها بسهولة، وهذا ما يجعلها متوافرة في الأسواق بشكل دائم

 وفي جميع المواسم، ويرجع السبب في سهولة صيد الهامور إلى قدرتها على إنتاج الكثير من البيوض

 التي تكون طافيةً على سطح الماء، ومن الممكن صيد سمك الهامور بعدة طرق، وهي: الحداق بواسطة الحبار. 

الميد. السلس الطازج. القرقور، بحيث يفضل هنا استخدام الصبور. الخيط، بحيث يجب 

أن يتراوح طول الخيط بين 80 إلى 120 سم، حسب طول السمكة. أمّا بالنسبة للطعوم التي يفضل 

استخدامها لاصطياد الهامور، فهي: مجوه، وعندق، ورأس خثاق، وميده كاملة، وجم صغير.

نرجو ترك تعليق واخبارنا ماذا استفدت ...!!!

للعلم والافاده 

بعض المواضيع والمقالات منقوله من مجموعات مختلفه سواء جروبات او صفحات فيس بوك 

وذلك لتعليم اكبر عدد من الاشخاص المهتمين بصيد السمك وتوفير جميع المعلومات له 

لاتنسي مشاركه الموضوع وترك تعليق اذا اعجبك ونشكركم علي متابعه القرأه