4:45 pm
သီပေါ၊ ဇူလိုင် ၂၀
RCSS နဲ့ မြောက်ပိုင်းမဟာမိတ်အဖွဲ့ဝင် လက်နက်ကိုင်အဖွဲ့အချို့ဖြစ်တဲ့ TNLA ၊ SSPP တို့အကြား နမ္မတူမြို့နယ်အတွင်းမှာ ဖြစ်ပွားခဲ့တဲ့တိုက်ပွဲကြောင့် သီပေါမြို့နယ်အတွင်းက ဘိုးတော်ကျောင်းနဲ့ မန်လီရွာမှာ စစ်ရှောင်စခန်းတစ်ခုစီဖွင့်ထားရပြီး အဲဒီမှာ စစ်ရှောင် ၃၀၀ ကျော်လောက်ရှိနေတယ်လို့ သိရပါတယ်။
သူတို့ဟာ နမ္မတူမြို့နယ် ပန်လုံဘက်မှာ ပြီးခဲ့တဲ့ရက်ပိုင်းအတွင်းဖြစ်ပွားခဲ့တဲ့တိုက်ပွဲတွေကြောင့် ထွက်ပြေးတိမ်းရှောင်လာသူတွေလည်းဖြစ်ပါတယ်။
ဘိုးတော်ဘုန်းကြီးကျောင်းမှာ ၁၃၈ ယောက်နဲ့ ၊ မန်လီရွာမှာ ၂၀၀ ကျော်လောက်ရှိနေတာဖြစ်ပါတယ်။
သူတို့အတွက် လောလောဆယ်အခြေအနေကတော့ စားနပ်ရိက္ခာအထူးလိုအပ်လျက်ရှိပြီး လူမှုကူညီရေးအသင်းအဖွဲ့တွေက သွားရောက်ကူညီနေတာတွေရှိတယ်လို့ သိရပါတယ်။
ဒီကနေ့ပဲ ဂေါ်ရခါး လူမှုကူညီရေးအသင်း၊ အိုမ်တမာဝ် လူမှုကူညီရေးအသင်း တို့က စားနပ်ရိက္ခာသွားရောက်လှူဒါန်းခဲ့တယ်လို့ အဆိုပါ ခရီးစဉ်မှာပါဝင်ခဲ့သူတစ်ဦးက ပေါ်ပြူလာနယူးစ်ကိုပြောပါတယ်။
သက်ကြီးတွေအ တွက်တစ်ဦးချင်းစီအလိုက်အလှူငွေ၊ အ၀တ်အထည်၊ ဆန်၊ ဆီ၊ ဆား၊ စားသောက်ဖွယ်ရာ ရိက္ခာအခြောက်၊ေ ဆးဝါး ၊ စာရေးကိရိယာတို့ လှူဒါန်းခဲ့ကြောင်းသိရပါတယ်။
ထပ်မံလှူဒါန်းချင်သူတွေအနေနဲ့လည်း ဖုန်းနံပါတ် ၀၉ ၂၅၉၁၃၆၁၆၄ ကို ဆက်သွယ်လှူဒါန်းနိုင်ကြောင်းလည်းသိရပါတယ်။
နမ္မတူမြို့နယ်အတွင်းမှာ ဇူလိုင် ၁၆ ရက်နေ့က စတင်ဖြစ်ပွားလိုက်တဲ့ အဆိုပါတိုက်ပွဲတွေကြောင့် စစ်ရှောင် ၁၀၀၀ ကျော်လောက်ရှိခဲ့ပါတယ်။ ဒီကနေ့ နောက်ဆုံးရရှိထားတဲ့အချက်အလက်တွေအ ရတော့စစ်ရှောင်အချို့ဟာနေရပ်ကို ပြန်သွားခဲ့ပြီဖြစ်ပါတယ်။
ဒါပေမဲ့ အချို့ကတော့ နယ်မြေစိတ်ချရမှုမရှိသေးတဲ့အတွက် ဆက်လက်စစ်ဘေးရှောင်နေကြဆဲဖြစ်ပါတယ်။
AF – 178