شجرة المحبطين
شجرة المحبطين
مشكلة التنسيق..مشكلة كبيرة
مشكلة خطيرة..عملالي حيرة
أليمة مريرة..قطع دي سيرة
درجتك مستقبلك..خد الخطيرة
صاحبك بقى مهندس..صاحبك بقى دكتور
وانت عملت ايه..يالا عليك الدور
أكيد دخلت علوم..بتبص في المنظور
ولا دخلت الشرطة..بكرا تبقى مغرور
دخلت جامعة ايه؟..لأ لأ انا مش في جامعة
امال عملت ايه؟..ونزلت مني الدمعة
مالك حصلك ايه؟..انا اصلي مش في الجامعة
امال دخلت ايه؟..حاجه مالهاش سمعة
تنسيقك جاب كلية؟..لأ لأ انا مش كلية
سقطت ولا إيه؟..لأ حاجه تشبه ديه
تبقى دخلت معهد؟..ايوا خدمة إجتماعية
تقصد معهد كبارية؟..اخرس بلاش اذيه
كلام من دا كتير..وجعوا بيه وداني
صبح او حتى ليل..الكل بيه أذاني
من أقرب ناس ليا..واصحابي وجيراني
الكل أتخلى عني..في وقت الشدة تاني
سخرية الصحاب..ونباح الكلاب
كان سبب اني اسمع..اسمع واغني راب
فاكرين إني كتاب..م الركنة هبقى تراب
دا انا هافتح صفحة جديدة..واقفل في وشوشهم
باب
بكرا تستنوني..ذوق عافية تحترموني
بكرا هارمي ورا ضهري..كل اللي رموني
مش هما اللي باعوني..مش هما اللي خانوني
طباخ السم يدوقه..هاسم اللي سموني
سموني مره فاشل..سموني مره جاهل
سموا زي ماتسموا..اسمائكوا كلها واحد
اسمائكوا بكرا عليكوا..هتبقى هى الشاهد
إحباطكوا راجع ليكوا..خصوصاً شخص حاسد
من كتر إحباطكوا..أنا خدت منه الجرعه
زيادة عن مقدوركوا..خدت الحصانة بسرعة
كلامكوا زي الشوك..نبتت منه زرعة
الكل واكل منها..بكرا تشوفوها طالعة
بكرا تجروا عليها..شجرة المحبطين
اسمائكوا موجودة فيها..مكتوب عليها خاينين
اجروا على المناصب..بكرا تشيلوها طين
انا ليكوا برضوا ناصب..مدفع من سكاكين
بدأوا الإحباط بالرسم..ونهوه بخدمة إجتماعية
مره دا مش بيذاكر..مره فاشل ثانوية
مره دا راسب ساقط..مره مالوش كلية
ومره ورا مره..عملوني مسرحية
مثلوا الأبطال..والفاشل دوري فيها
بكرا هانزل بستار..وأجيب عاليها واطيها
والضحك يكون عليكوا..ويسقف مشاهديها
أكيد وصل السناريو..لكل مخرجيها
إرسال تعليق