Se fuches alumno/a da escola e buscas emprego, anotándote na nosa bolsa de traballo podemos facilitarche contacto coas empresas que, puntualmente, nos requiren profesionais para cubrir algún posto na súa plantilla ou para realizar algún proxecto freelance.
Estes datos son privados e en ningún caso seranlle entregados a terceiras persoas/empresas. No caso de ofertarse algún posto facilitarémosche a información de que dispoñamos e serás ti quen se poña en contacto coa empresa.
A escola non recibe ningún tipo de contraprestación por parte das empresas nin ten control sobre as decisións que estas tomen no referido ás contratacións. Aula D non pode influir nas condicións económicas ou contractuais dos traballos, se ben intentamos rexeitar ofertas claramente abusivas ou improcedentes. Tampouco podemos asegurar que nos cheguen ofertas inmediatamente xa que o mercado laboral é impredecible.
As ofertas publicaranse na Aula Virtual>exalumnado. Se pasaron máis de dous anos dende que remataches os teus estudos e non tes acceso á Aula Virtual ponte en contacto coa Secretaría do centro para que che habiliten unha conta.
Por outra parte, se xa estás traballando e na túa empresa precisan incorporar a alguén na súa plantilla, podes contactar connosco e darlle así unha oportunidade solidaria a algún dos outros membros da "comunidade Aula D" para optar a ese posto.