11.09.2012

Իրականում շատ ավելի էական բաներ են կախված մեր սեռական հարաբերությունների որակից, քան մենք պատկերացնում ենք: Դա կարող է անմիջապես ազդել մեր տրամադրության, տրամադրվածության, հարաբերությունների և նույնիսկ զգացմունքների վրա: LN-ն առանձնացրել է մի քանի տաբուներ անկողնում, որոնք կօգնեն հեռու մնալ հիասթափություններից: Այսպիսով, անկողնում չպետք է…

Մինչև վերջ անկեղծ լինել

Հիանալի սեքս, կիրք և սիրահարվածություն ունենալու դեպքում թվում է, թե ոչինչ չի կարող խոչընդոտել մեր իդեալական հարաբերությունները: Հենց այդ պատճառով էլ զուգընկերները, սեռական ակտից հետո, պառկած նայում են առաստաղին և սկսում միմյանց հարցնել նախկին նախասիրությունների մասին: Չարժի այդպիսի բան անել, քանի որ հետո Ձեր տված անկեղծ ինֆորմացիան կօգտագործվի յուրաքանչյուր, նույնիսկ ամենաչնչին խանդի տեսարանի ժամանակ: Երբեք մի հարցրեք տղամարդուն նրա սիրուհիների մասին և ինքներդ էլ լռեք Ձեր տղամարդկանց մասին:

Հպարտանալ նախկին սիրեկաններով

Թվում է, թե տրամաբանական է, որ մեր արժեքը բարձրացնելու, ինքնավստահությունը ամրապնդելու համար մեզ մոտ ցանկություն է առաջանում պատմել մեր նախկին տղամարդկանց, երկրպագուների մասին: Հատկապես մի թվարկեք նրանց և մի հպարտացեք նրանց քանակով: Տղամարդիկ սիրում են լինել միակը և ամենալավը, այլ ոչ թե 25-րդը: Եթե նա համառորեն հարցնում է Ձեր նախկիններից, ասացեք, որ ընդամենը մեկ լուրջ սիրավեպ եք ունեցել:

Նախկիններին փնովել

Սովորություն մի դարձրեք չարախոսել Ձեր նախկինների մասին Ձեր զուգընկերոջ մոտ: Նա հաստատ կմտածի, որ իր ետևից Դուք նույնն եք ասելու, կամ որ Ձեզնով միայն աննորմալ տղամարդիկ են հետաքրքրվում:

Ծիծաղել անկողնում առանց պատճառի

Նա կարող է մտածել, որ Դուք չեք հավանում իր կազմվածքը կամ այդքան էլ գոհ չեք նրա սեռական ունակություններից: Եթե ուզում եք ծիծաղել, քանի որ երջանիկ եք կամ պարզապես բարձր տրամադրություն ունեք, հիշեք որևէ անեկդոտ կամ ծիծաղելի դեպք, պատմեք նրան, և միասին ծիծաղեք:

Սեքս-գուրու ձևանալ

Ձեր սեքսուալ գաղափարներն իրագործելիս նախ համոզված եղեք, որ դա ծիծաղելի չի թվա Ձեր զուգընկերոջը: Պետք չէ պոռնոաստղ ձևանալ. տղամարդիկ հազվադեպ են ցանկանում նրանց: Մի փորձեք կրկնել նաև մեծերի համար նախատեսված ֆիլմերի սյուժեները, տղամարդը կարող է հիասթափվել կամ պարզապես ծիծաղել Ձեր արարքներից:

Տարվել սեքս-խաղալիքներով

Նման էքսպերիմենտը խորհուրդ չի տրվում անել առանց զուգընկերոջ նախապես համաձայնության: Նա կարող է մտածել, որ չի կարողանում բավարարել Ձեզ, և Դուք հետաքրքրություն եք փնտրում: Շատ տղամարդիկ կարծում են, որ սեքս-խաղալիքներով բավարարվում են այլասերված կանայք: Այդպիսով կցածրացնեք և տղամարդու ինքնավստահությունը, և ինքներդ Ձեր պատիվը նրա աչքում:

Ֆիզիկական ուժ գործադրել

Մի ճանկռեք, մի կծոտեք, համբույրի հետքեր մի թողեք նրա մարմնին., չէ որ դրանք միայն էկրանից են սեքսուալ, իսկ իրականում' հակառակը: Քերծվածքներն ու կապտուկները կարող են տեսնել կոլեգաները, ընտանիքի անդամները, ընկերները: Դա կարող է դուր չգալ Ձեր զուգընկերոջը:

Լռել

Կինը, ով ոչ մի էմոցիա ցույց չի տալիս, տղամարդու համար դառնում է անհետաքրքիր, անգամ եթե նա ամենագեղեցիկն է:Եթե նրան չի հաջողվում Ձեզ օրգազմի հասցնել, չի նշանակում որ պետք է արհեստականորեն գոռալ կամ կրքեր ցույց տալ: Սակայն սեքսի ընթացքում հոգոցները պետք է ամեն դեպքում առկա լինեն: Հակառակ դեպքում տղամարդը կորցնում է ինքն իր հանդեպ հավատը, և դա վատ կանդրադառնա Ձեր սեռական հարաբերությունների վրա:

Քննարկել առկա խնդիրները

Ոչ մի դեպքում անկողին մի բերեք Ձեր կենցաղային խնդիրները, կոնֆլիկտները: Անկողինը երկուսի համար է նախատեսված, որտեղ ավելորդ տեղ չկա ընկերների և կոլեգաների հետ խնդիրները քննարկելու համար:

Վատ բուրել

Վատ բույրը կարող է ընդմիշտ խլել նրա ցանկությունը Ձեզ հետ սիրով զբաղվելու: Հենց բույրն է մարդու հանդեպ համակրանք առաջացնող գործոններից մեկը: Անպայման սեքսից առաջ լոգանք ընդունեք, շատ մի օգտագործեք օծանելիք: Հիշեք' տղամարդիկ սիրում են կնոջ բնական բույրը:

Աղբյուր` LADYNEWS.am

Դիտվել է 6293 անգամ

28.03.2024
Եկեք պատկերացնենք, որ դուք նոր ծանոթացել եք մի մարդու հետ և դեռ չեք ճանաչում նրան: Ինչպե՞ս հասկանալ, արդյոք կարո՞ղ եք նրա հետ ընկերություն, համագործակցություն կամ ռոմանտիկ հարաբերություններ սկսել:

28.02.2024
Ճշմարտությունը կարող է տհաճ լինել, բայց եթե ցանկանում եք ձեր զուգընկերոջ կողմից առավելագույն անկեղծության հասնել, ապա կարևոր է հաշվի առնել մեկ նրբերանգ:

16.02.2024
Դուք ստացել եք ցանկալի պաշտոնը, միացել եք թիմին և հիանալի եք կատարում ձեր պարտականությունները:  Ինչպե՞ս հասկանալ, որ ժամանակն է բարձրացնել աշխատավարձը:

26.01.2024
Գիտնականներին հաջողվել է վերլուծել տասնյակ հազարավոր մարդկանց զգացմունքները նրանց հարաբերությունների զարգացման ընթացքում: Տեսնենք, թե ինչ եզրակացությունների են նրանք հանգել։

11.01.2024
Ի՞նչ է պետք անել ինքնավստահ դառնալու համար:

30.11.2023
Անկախ նրանից, թե որքան փակ մարդ եք դուք, սանրվածքը կարող է ուրիշներին պատմել ձեր տրամադրության մասին կյանքի տվյալ ժամանակահատվածում: